تاریکی سے کامیابی تک: نابینا طالبہ زینب عتیق نے 552 نمبر لے کر تاریخ رقم کر دی
گوجرانوالہ کے راہوالی گرلز کالج کی باہمت طالبہ کا انٹرمیڈیٹ پارٹ ون کے نتائج میں شاندار تعلیمی معرکہ
گوجرانوالہ (خصوصی رپورٹ – امید نیوز) جہاں انسان کے پختہ ارادے اور محنت سچی ہو، وہاں جسمانی معذوری اور بینائی کی محرومی بھی راستے کی دیوار نہیں بن سکتی۔ گوجرانوالہ کی رہائشی طالبہ زینب عتیق نے یہی حقیقت ثابت کر دکھائی ہے۔
امید نیوز کی اطلاعات کے مطابق، راہوالی گورنمنٹ گرلز کالج کی نابینا طالبہ زینب عتیق نے بورڈ آف انٹرمیڈیٹ اینڈ سیکنڈری ایجوکیشن گوجرانوالہ کے گیارہویں جماعت (پارٹ ون) کے سالانہ امتحانات میں مجموعی 600 نمبروں میں سے 552 نمبر حاصل کر کے تعلیمی حلقوں کو ششدر کر دیا۔
زینب عتیق نے بینائی سے محرومی کو کبھی اپنی کمزوری نہیں بننے دیا، بلکہ کتابوں کے لفظوں کو اپنے عزم اور حوصلے سے پڑھا۔ ان کی اس لاجواب کامیابی پر جہاں خاندان اور اساتذہ کا سر فخر سے بلند ہوا ہے، وہیں سوشل میڈیا پر بھی لوگ زینب کو تعلیمی میدان میں ہر اس شخص کے لیے ایک سچا رول ماڈل قرار دے رہے ہیں جو حالات کا وویلا مچاتے ہیں۔
ادارہ امید نیوز گوجرانوالہ کی اس انتہائی باہمت، ہونہار بیٹی زینب عتیق کو ان کی اس تاریخی اور بے مثال تعلیمی کامیابی پر تہہ دل سے مبارکباد اور خراجِ تحسین پیش کرتا ہے۔ بینائی کی محرومی کے باوجود علم کی شمع روشن رکھنا اور 552 نمبر حاصل کر کے تاریخ رقم کرنا اس بات کا ثبوت ہے کہ مضبوط ارادوں کے سامنے کوئی بھی مانع یا معذوری حائل نہیں ہو سکتی۔
زینب عتیق نہ صرف اپنے والدین اور اساتذہ کا فخر ہیں بلکہ پوری قوم اور بالخصوص تعلیمی میدان میں جدوجہد کرنے والے لاکھوں طلبہ و طالبات کے لیے عزم و ہمت کا ایک روشن منار ہیں۔ امید نیوز اس ہونہار بیٹی کے روشن اور کامیاب مستقبل کے لیے دعا گو ہے اور ان کی تعلیمی پیشرفت کے لیے اپنی نیک تمناؤں کا اظہار کرتا ہے۔”
About The Author
