لاہور بورڈ نے 11ویں جماعت کے نتائج کا علان: 66 ہزار سے زائد ناکام، لڑکیوں نے میدان مار لیا
مجموعی کامیابی کا تناسب 60 فیصد سے زائد؛ ریگولر، پرائیویٹ اور پرائیویٹ کالجوں کی تمام کیٹیگریز میں طالبات لڑکوں سے نمایاں آگے
لاہور (ایجوکیشن ڈیسک) بورڈ آف انٹرمیڈیٹ اینڈ سیکنڈری ایجوکیشن (BISE) لاہور نے گیارہویں جماعت (انٹرمیڈیٹ پارٹ ون) کے سالانہ امتحانات کے نتائج کا باضابطہ اعلان کر دیا ہے، جس میں ہر شعبے میں لڑکیوں نے لڑکوں کے مقابلے میں شاندار اور نمایاں کامیابی حاصل کی ہے۔
لاہور بورڈ کے جاری کردہ باضابطہ اعداد و شمار کے مطابق امتحانات میں مجموعی طور پر 1 لاکھ 65 ہزار 245 امیدواروں نے شرکت کی، جن میں سے 99 ہزار 191 امیدوار کامیابی حاصل کرنے میں کامیاب رہے، جبکہ 66 ہزار سے زائد امیدوار امتحانات میں کامیابی حاصل نہ کر سکے۔ بورڈ کے مطابق امتحانات میں مجموعی کامیابی کا تناسب 60 فیصد سے زائد درج کیا گیا۔
امید نیوز کی اطلاعات کے مطابق، اس سال بھی فرسٹ ایئر کے نتائج میں لڑکیوں کی برتری چھائی رہی:
ریگولر کالجز: لڑکیوں کی کامیابی کا تناسب 65 فیصد (29 ہزار پاس) رہا، جبکہ لڑکوں کا تناسب 41 فیصد (10 ہزار 680 پاس) رہا۔
پرائیویٹ کالجز: لڑکیوں کی کامیابی کا تناسب 75 فیصد (31 ہزار پاس) اور لڑکوں کا 58 فیصد (18 ہزار پاس) ریکارڈ کیا گیا۔
پرائیویٹ امیدواران: لڑکیوں نے 56 فیصد کامیابی حاصل کی (7 ہزار پاس)، جبکہ لڑکوں کا تناسب صرف 20 فیصد (1500 پاس) رہا۔
امید نیوز کی اطلاعات کے مطابق، تمام امیدوار لاہور بورڈ کی آفیشل ویب سائٹ پر اپنا رول نمبر درج کر کے اپنے مکمل رزلٹ کارڈز دیکھ سکتے ہیں
About The Author
