بی ایس ایف کی فائرنگ سے دو نہتے پاکستانی شہری شہید

قصور سرحد پر بلا اشتعال فائرنگ، ایک شخص زخمی، سیکیورٹی ذرائع نے واقعے کو بارڈر معاہدے کی خلاف ورزی قرار دیا

قصور (امید نیوز) — سیکیورٹی ذرائع کے مطابق جمعہ 2 اکتوبر 2026 کو پاک بھارت بین الاقوامی سرحد کے قریب قصور کے علاقے میں بھارتی بارڈر سکیورٹی فورس (بی ایس ایف) کی فائرنگ سے دو نہتے پاکستانی شہری شہید ہوگئے جبکہ ایک شخص زخمی ہوا۔
ذرائع نے بتایا کہ لدھڑ گاؤں سے تعلق رکھنے والے تین مقامی شہری بارڈر پلر سے چند قدم آگے بڑھے تو بی ایس ایف اہلکاروں نے بغیر کسی وارننگ کے ان پر فائرنگ کر دی۔ فائرنگ کے نتیجے میں دو افراد موقع پر جاں بحق ہوئے جبکہ تیسرا زخمی ہوگیا۔ تینوں شہری نہتے تھے اور ان میں سے کسی نے بھی بارڈر فینس عبور کرنے کی کوشش نہیں کی تھی۔
شہداء کی شناخت عظمت رسول ولد عطااللہ اور محسن جٹ کے نام سے ہوئی ہے۔ دونوں کا تعلق جٹاں والی حویلی، لدھڑ سے بتایا گیا ہے۔ سیکیورٹی ذرائع نے اس واقعے کو بارڈر معاہدے اور طے شدہ معیاری آپریٹنگ طریقہ کار (SOPs) کی کھلی خلاف ورزی قرار دیا۔

امید نیوز کے مطابق بھارتی میڈیا نے اپنے روایتی بیانیے کے تحت ان شہریوں کو درانداز قرار دے دیا۔ تاہم پاکستانی سیکیورٹی ذرائع نے اس دعوے کی تردید کرتے ہوئے کہا کہ تینوں افراد نے سرحد عبور کرنے کی کوئی کوشش نہیں کی تھی۔
یہ واقعہ ایسے وقت پیش آیا ہے جب دونوں ممالک کے درمیان سرحدی تناؤ جاری ہے۔ ریوٹرز نے بھی پاکستانی سیکیورٹی ذرائع کے حوالے سے اس واقعے کی رپورٹ شائع کی ہے۔