ویڈیو: شمالی کوریا کے سربراہ کم جونگ اُن نے اپنی 13 سالہ بیٹی کو فوجی ٹینک چلانے کیلئے دے دیا

شمالی کوریا کے رہنما کم جونگ اُن کی بیٹی کم جو اے ایک فوجی مشق کے دوران ٹینک چلاتی نظر آئیں۔

رپورٹس کے مطابق تقریباً 13 سالہ کم جو اے حالیہ مہینوں میں اپنے والد کے ساتھ مختلف عوامی اور فوجی تقریبات میں باقاعدگی سے نظر آ رہی ہیں۔

NEW: Kim Jong Un sits atop a battle tank during war drills, joined by his daughter. pic.twitter.com/shA38jGUTe

— Insider Paper (@TheInsiderPaper) March 20, 2026

سرکاری خبر رساں ادارے کوریئن سینٹرل نیوز ایجنسی کی جانب سے جاری تصاویر میں انہیں ٹینک کے ڈرائیور ہیچ سے باہر دیکھتے ہوئے سامنے کی نشست پر بیٹھا دکھایا گیا۔

یہ منظر ایک بڑی فوجی مشق کے دوران سامنے آیا، جہاں کم جونگ اُن بھی موجود تھے۔ تصاویر میں انہیں ٹینک کے برج کے ساتھ کھڑے جبکہ تین فوجی افسران کو ٹینک پر سوار دیکھا جاسکتا ہے۔

رپورٹ کے مطابق کم جونگ اُن ایک نئے طرز کے ٹینک کی مشق کی نگرانی کر رہے تھے جو ڈرونز اور اینٹی ٹینک میزائلوں کے خلاف بہتر جارحانہ اور دفاعی صلاحیتوں کا حامل ہے۔