ترکیہ میں عید کے پہلے دن 14 ہزار سے زائد افراد قربانی کے دوران زخمی

ترکیہ میں عیدالاضحیٰ کے پہلے دن جانوروں کی قربانی کے دوران 14 ہزار سے زائد افراد زخمی ہوگئے۔

وزیر صحت کا کہنا ہے کہ جمعے کے روز عید کے پہلے دن ملک بھر میں 14 ہزار 372 افراد زخمی حالت میں اسپتالوں میں لائے گئے۔

انہوں نے بتایا کہ انقرہ میں ایک ہزار 49، استنبول میں 753 اور کونیا میں 655 افراد جانور ذبح کرتے وقت زخمی ہوئے۔ انہوں نے عوام سے اپیل کی کہ وہ ایسی صورتحال سے بچیں اور ذبیحے کے دوران ماہر قصائیوں کی مدد حاصل کریں۔

ترک میڈیا کے مطابق پچھلے سال ترکیہ میں عیدالاضحیٰ پر قربانی کے دوران تقریباً 16 ہزار جبکہ سال 2023 میں تقریباً 30 افراد زخمی ہوئے تھے۔