شادی 18 سال کی عمر میں ہوئی والد اس سے پہلے کرنا چاہتے تھے، سدرہ نیازی
شوبز انڈسٹری کی معروف اداکارہ سدرہ نیازی کا کہنا ہے کہ شادی 18 سال کی عمر میں ہوئی لیکن والد اس سے بھی پہلے کرنا چاہتے تھے۔
اداکارہ سدرہ نیازی نے ساتھی اداکار عفان وحید کے ساتھ گزشتہ رات ’شانِ سحور‘ میں شرکت کی اور اس دوران مختلف موضوعات پر اظہار خیال کیا۔عفان وحید نے کہا کہ میں اور سدرہ نیازی اچھے دوست ہیں اور ہمارے خاندانی تعلقات ہیں۔
اداکار نے کہا کہ آج کل تو سوشل میڈیا نے بچے، جوان اور بوڑھوں سب کو انزائٹی دی ہوئی ہے اور جین زی بھی تھراپی کے لیے جارہے ہوتے ہیں۔
سدرہ نیازی نے انکشاف کیا کہ میری شادی 18 سال کی عمر میں ہوئی، والد اس سے پہلے بھی شادی کرنا چاہتے تھے لیکن پھر انہوں نے انتظار کرلیا۔
اداکارہ نے کہا کہ شادی میری کیریئر میں کبھی رکاوٹ نہیں بنی بلکہ مجھے سپورٹ کیا جاتا ہے۔
انہوں نے کہا کہ میری زندگی میں تکبر، غرور کی کوئی جگہ نہیں ہے جو مجھے جانتے ہیں کہ میری زندگی میں ان الفاظ کی کوئی جگہ نہیں ہے، میری فطرت ہی ایسی ہے اپنی زندگی میں گم رہنے والی انسان ہوں۔
سدرہ نیازی نے کہا کہ اگر جوانی میں جاکر خود کو مشورہ دینا چاہوں تو کہوں گی کہ وہ ماضی ہے جو گزر گیا اس پر کیا ہی کہہ سکتے ہیں۔
About The Author
