امریکی صدر کا ایرانی پاور پلانٹ اور انفرااسٹرکچر کیخلاف 5 دن کیلئے حملے ملتوی کرنے کا حکم کیا

امریکی صدر نے ایرانی پاور پلانٹ اور انفرااسٹرکچر کیخلاف 5 دن کیلئے حملے ملتوی کرنے کا حکم جاری کردیا۔

صدر ٹرمپ نے کہا کہ گزشتہ 2 روز میں ایران کیساتھ اچھی اور تعمیری بات چیت ہوئی،ایران کیساتھ مذاکرات پورا ہفتہ جاری رہیں گے،ایران پر حملے ملتوی رہنےکا انحصار ایران کے ساتھ جاری بات چیت کی کامیابی پر ہوگا۔

علاوہ ازیں ایک انٹرویو میں ٹرمپ کا کہنا تھا کہ ایران کے ساتھ معاہدہ کرنے کیلئے پرعزم ہیں،ایران کی موجودہ صورتحال کو رجیم چینج کہا جاسکتا ہے۔

ایران کے ساتھ 5 یا اس سے بھی کم دنوں میں معاہدہ ہو سکتا ہے،انہوں نے دعویٰ کیا کہ ایران بہت بری طرح سے معاہدہ کرنا چاہتا ہے۔

ادھرکابل میں ایرانی سفارتخانے کا کہنا ہے کہ ایران کی سخت وارننگ کے بعد ٹرمپ توانائی کے ڈھانچے پر حملہ کرنے سے پیچھے ہٹ گئے۔

دوسری جانب ہف پوسٹ کی رپورٹ کے مطابق ایران کیساتھ حالیہ تنازع میں شامل امریکی فوجی مسلسل بےچینی کاشکارہورہےہیں،امریکی فوجیوں کی بےچینی کی وجوہات ذہنی دباؤ،حفاظت سےمتعلق خدشات بتائی گئی ہیں۔

چندامریکی اہلکاروں نےمنصوبہ بندی کی کمی کا تذکرہ بھی کیا،امریکی عہدے دار نے خبردار کیا ہے کہ ایران میں زمینی کارروائی انتہائی تباہ کن ثابت ہوگی۔

بہت سےامریکی فوجی جنگ کےمقصد پر سوال اٹھا رہے ہیں،ایک امریکی فوجی کا کہنا ہے کہ ہم اسرائیل کیلئےمرنا نہیں چاہتے، سیاسی مہرے نہیں بننا چاہتے۔